DOMENIE AI 26 DI LUI 2015

“Signôr, come societât civîl dal Friûl o sin a preseâ chei sessante agns di operâ di predi dal nestri capelan dal Fogolâr Civic, pre Tarcisio Bordignon, om di Glesie no dome viert al mont, ma ben ancje al borc, ai domandaments vêrs de comunitât e di chei che a son dentri. Signôr, graciis di vênusal dât e done al Friûl ancjemò tancj compagns!”. Cheste la preiere lete dal dean dal Moviment Civic Culturâl Alpin-Adriatic dal Fogolâr Civic e ancje dal Circul Universitari Furlan de Academie dal Friûl, prof. Alberto Travain, ai 26 di Lui 2015, a Messe te parochiâl di Rabil, dongje Tarvis, pe fieste de patrone Sante Ane, dite dal plevan, pre Giuseppe Morandini, e dal benemerit pre Bordignon, 60 agns di predi, rivât a pueste pe ricorence intune des localitâts li che, ancjemò zovin, al jere capelan tra 1958 e 1962, che si jere messedât in mil manieris par miorâ la vite de popolazion e dai minadôrs de famose gjave li dal puest. Un morbin e un spieli di passion, caritât, vierzidure, azion, che a àn segnade dute la cariere di chel predi, che a Rabil al veve podût vee diret a ce fâ cun cuistions e fastidis dal mont dal lavôr. A chê Messe alì, cun preieris e cjantis ancje par sloven e furlan, e je capitade sù une biele rapresentance di Udin, cun bandiere movimentâl dal Fogolâr Civic, par fâur onôr sigûr a lis lidrîs dal profetic impegn sociâl di chel predi, che la sô incarghe pastorâl ultime, scuasit 50 agns, e je stade chê di plevan di Sant Piu X in Baldassarie, te perifarie disot de capitâl furlane, bande jevât: passe cuarante agns e po mandât in “pension” a condizions e cun andis che tancj di lôr inmò no capissin e nancje no ametin par juscj rispiet e agrât pe persone…